Kufasiri yale ambayo Socrates alijua wakati huo,na kuyatafsiri kwa jamii ya kisasa. Kuna manufaa matano bora zaidi ya kujihoji.
1. Kufanya maamuzi sahihi : tunapochukua hatua ya kujichunguza tunapata ufahamu bora wa kile tunachokihitaji ili kuwa na furaha. Pia kwa kuchagua njia ambayo inatufaa kikazi, mahusiano na hata kitaaluma.
2. Kujua na kutumia nguvu iliyo ndani yetu: kujitawala ni nguvu ya kweli yaani kuna ukweli ndani yake. Unaweza kufahamu zaidi yale kilicho ndani ya udhibiti wako na yaliyo nje ya uwezo wako. Ukifikia mahali huwezi kugwazwa hovyo na vikwazo mbalimbali.
3. Kuwa mtu wa huruma: tunapojielewa tunaweza kuelewa vyema maisha yetu na maisha ya wengine. Hivyo kuwa na moyo wa kuwahurumia wengine, kwa kuwa tunafahamu ukweli kuwa kila mpita njia anapitia magumu. Hivyo kuwa wa huruma na utayari wa kuwasaidia wengine kadiri ya uwezo wetu.
4. Kukabiliana na hofu :tunapojitambua tunaweza kupata mtazamo mpya kuhusu maisha yetu. Mtazamo nzuri usio na woga na wasiwasi kuhusu hatua mpya na tofauti tunaopanga kuchukua. Hivyo kuweza kusonga mbele bila hofu kubwa wowote.
5. Kuelewa hali yetu:baada ya kujielewa tunapata dhamira na picha fulani kuhusu maisha yetu ya kila siku. Kukataa maisha ya kujipendelea wenyewe na kuweza kuthamini wengine . Kuyaelewa madhaifu yetu na kuchukua hatua ya kujirekebisha na kujiwekea masharti na kuyaishi masharti hayo kila siku.
Hatua ya kuchukua :tumepata uelewa ya kuwa kujichunguza mna faida nyingi katika maisha yetu ya kila siku. Ni muhimu sasa tuchukue hatua ya kujichunguza sisi wenyewe ili tuweze tuishi maisha halisi.
Akujaliaye sana.
Maureen Kemei.
Blog, kufikirichanya.wordpress.com
