Kwa Socrates, dhana muhimu zaidi za maisha zilikuwa hekima, maarifa, uchamungu, n.k. Kwa wengi wetu, dhana hizo zinaweza kuwa tofauti kabisa kwa vile tunaishi katika ulimwengu tofauti sana.
Ili kufurahia maisha zaidi, tunapaswa kushiriki katika mambo ambayo hutuletea uradhi. Kwa hivyo tunapaswa kujua ni nini kinachofanya maisha yetu yawe na maana zaidi, kisha tuzingatie hilo.
Tunaishi miaka 2500 baada ya Socrates na wenzake, kwa hivyo tunapofikiria maisha yaliyochunguzwa, inakuja akilini kwamba ili kufanya maisha yawe na thamani, tunapaswa kuishi maisha tunayofurahia kikamilifu.
Tunafanya hayo kwa kujihusisha na mambo yenye tija kwenye maisha yetu na katika jamii kwa ujumla, iwe ni kusaidia wengine, kujenga familia, kutumia wakati na wapendwa wetu, au kuwa bora zaidi katika jambo fulani, kama vile mchezo, uimbaji, uandishi na mengineyo.
Hatua ya kuchukua ;kwa vile tumepata kufahamu yaliyo muhimu kwenye maisha, inatupasa kuchukua hatua ya kufanya mambo hayo muhimu, na kwa kufanya hivyo tutakuwa tunaishi maisha yaliyochunguzwa.
Akujaliaye sana.
Mwandishi, Maureen Kemei.
